قالب وردپرس قالب وردپرس آموزش وردپرس قالب فروشگاهی وردپرس وردپرس
کورپانه / خبرونه / وسله والو کسانو په کابل کې د ټلویزیون کارکوونکې او خبریاله ووژله

وسله والو کسانو په کابل کې د ټلویزیون کارکوونکې او خبریاله ووژله

کابل

د می ۱۲ مه / د  ۱۳۹۸د غویي ۲۲ مه

پخوانۍ خبریاله او د ټلویزیوني خپرونو چلوونکې او په اوس وخت کې د ولسي جرګې کارکوونکې مینه منګل، پرون ( د ۱۳۹۸ د غويي په ۲۲) د وسله والو موټرسایکل سپرو لخوا په کابل کې ووژل شوه.

د کورنیو چارو وزارت ویاند نصرت رحیمي هم د دې خبر د تائید تر څنګ وویل ، چې میرمن منګل پرون د دوشنبې په ورځ  د کارته نو په سیمه کې ووژل شوه او قاتلین وتښتیدل .

رحیمي زیاتوي ، چې د مینې د پلار په وینا، دا پیښه د شخصي دښمنیو له کبله رامنځ ته شوې. د رحیمي په وینا د پیښې په اړه څیړنې پیل شوې دي.

بلخوا بیا د کابل پولیس وایي، چې د مینې منګل په وژنه کې د هغې پخوانی خاوند د ( ولسي جرګې کارکوونکی) ښکیل دی. د کابل امنیه قومندان سید محمد روشندل رسنیو ته وویل:” دوی ” مینه او میړه یې” په داسې حال کې چې سره بیل شوي هم وو، خو خپل منځي دښمني یې هم درلوده او د مینې د پلار د څرګندونو پر بنسټ ، ګواښل شوي هم وو. د دوی مستقیمه ادعا هم د مینې پر پخواني خاوند ده. پولیس یې د نیولو په لټه کې دي ، چې تر اوسه نه دي نیول شوي او له سیمې تښتیدلي دي.”

د مینې منګل ماما زمری د هغې د وژنې په هکله وایي، چې خورځه یې له دغه واده څخه رضا نه وه او دا سبب شوه چې له خپل خاوند څخه بیله شي. د هغه په وینا:” له وژنې یې دقیق معلومات نلرم ، خو په دې خبر یم چې له خپل واده څخه رضا نه وه ، مخکې له واده هم سره خوښ نه وو، همدا لامل شو چې سره جلا شي. ”

دا په داسې حال کې ده چې میرمن منګل نژدې دوه اوونۍ مخکې په خپله فیسبوک پاڼه لیکلي وو، چې د ځینو کسانو لخوا ګواښل کیږي.

میرمن منګل مخکې تر دې د هیواد په ځینو رسنیو کې د ادبي او فرهنګي خپرونو د چلوونکې په توګه دنده تر سره کړې وه. هغې دوه کاله مخکې واده وکړ، چې په پای کې له خپل خاوند څخه جلا شوه.

 

دوباره کوشش کنید

د رسنیو خلاف د طالبانو د اعلامیې په وړاندې د رسنیو د مسوولانو او ملاتړ بنسټونو غبرګون

    کابل د جون ۲۴ /  ۱۳۹۸ د چنګاښ ۳ د افغانستان د ژورنالستانو …

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *